அமீரகத்தில் இன்று கொடி நாள்தேசிய ஒற்றுமையைப் போற்றும் நவம்பர் 3 நிகழ்வு

ஐக்கிய அரபு அமீரகத்தில் நவம்பர் 3 செவ்வாய்க்கிழமை கொடி நாள் கடைப்பிடிக்கப்படுகிறது. நாட்டின் ஒற்றுமை, தேசிய அடையாளம் மற்றும் மக்களின் பிணைப்பைப் போற்றும் நிகழ்வாக இது அமைந்துள்ளது.

குடிமக்கள், குடியிருப்போர், அமைச்சகங்கள், நிறுவனங்கள், பள்ளிகள், பல்கலைக்கழகங்கள் மற்றும் வீடுகளில் தேசியக் கொடியேற்றுமாறு அமீரகத் துணை அதிபரும் பிரதமருமான ஷேக் முகமது பின் ராஷித் அல் மக்தூம் அழைப்பு விடுத்துள்ளார் என்று அதிகாரப்பூர்வ செய்தி நிறுவனம் WAM தெரிவித்துள்ளது.

2013 முதல் ஆண்டுதோறும் நவம்பர் 3 அன்று கொடி நாள் கடைப்பிடிக்கப்படுகிறது. வெவ்வேறு நாட்டினரும் இணைந்து அமீரகத்தின் மீது கொண்ட அன்பையும் ஒற்றுமையையும் வெளிப்படுத்தும் நாளாக இது விளங்குகிறது.