திருவண்ணாமலை ஏரியில் 4 மாணவிகள், காப்பாளர் உயிரிழப்புசமுத்திரம் ஏரியில் மூழ்கிய ஐவரின் உடல்கள் மீட்பு; காவல் துறை விசாரணை

பெண் குழந்தைகள் பாதுகாப்பு மையத்தில் தங்கிப் படித்த நான்கு மாணவிகள் நவம்பர் 9 அன்று அருகிலுள்ள சமுத்திரம் ஏரிக்குச் சென்றபோது ஆழமான பகுதியில் சிக்கி நீரில் மூழ்கினர்.

மாணவிகளை மீட்க முயன்ற மையத்தின் பெண் காப்பாளரும் நீரில் மூழ்கினார். தீயணைப்பு மற்றும் மீட்புத் துறையினர் ஐவரின் உடல்களையும் மீட்டு திருவண்ணாமலை அரசு மருத்துவக் கல்லூரி மருத்துவமனைக்கு அனுப்பினர்.

மாவட்ட ஆட்சியர் வந்தனா கார்க் மற்றும் மாவட்ட காவல் கண்காணிப்பாளர் சம்பவ இடத்தை பார்வையிட்டனர். மையத்திலிருந்து மாணவிகள் ஏரிக்குச் சென்ற சூழல் மற்றும் பாதுகாப்பு ஏற்பாடுகள் குறித்து திருவண்ணாமலை மேற்கு காவல் துறை விசாரணை நடத்துகிறது.