இந்திய விசா விண்ணப்பங்களில் நிரப்ப வேண்டிய விவரங்கள் குறைப்புமாற்றங்களை ஆண்டு இறுதிக்குள் நடைமுறைப்படுத்த உள்துறை அமைச்சகம் திட்டம்

இந்திய விசா முறையை எளிமைப்படுத்தும் பணிகள் குறித்து மத்திய உள்துறை அமைச்சகம் நவம்பர் 11 அன்று தகவல் வெளியிட்டது. விண்ணப்பதாரர்கள் நிரப்ப வேண்டிய விவரங்களைக் குறைத்துள்ளதாக அமைச்சகம் தெரிவித்துள்ளது.

ஆகஸ்ட் 27 அன்று விசாவின் முக்கியப் பிரிவுகள் 13-லிருந்து 9 ஆகவும், துணைப் பிரிவுகள் 49-லிருந்து 23 ஆகவும் குறைக்கப்பட்டன. ஒரே மாதிரியான பயண நோக்கங்களைக் கொண்ட பிரிவுகள் இணைக்கப்பட்டுள்ளன.

இதற்காக இணைய விண்ணப்ப அமைப்புகளை அமைச்சகம் புதுப்பித்து வருகிறது. புதிய முறையில் விசா வழங்குவது 2026 இறுதிக்குள் தொடங்கும் என்று அமைச்சகம் தெரிவித்துள்ளது.